Everland Resort nyaeta taman di Yongin, pasisian Seoul, Korea Kidul.
Everland Resort nyaeta taman di Yongin, pasisian Seoul, Korea Kidul. Everland mangrupakeun taman utama panggedena di Korea Kidul. Taun 2002, Everland aya dina rengking kagenep taman hiburan nu panglobana didatangan di dunya[1]. Lian ti atraksi-atraksi utamana, Everland oge miboga kebon sato jeung taman cai nu katelah Caribbean Bay. Everland dioprasikeun ku Samsung Everland, cabang tina Samsung Group.
Everland mindeng dibandingkeun jeung Disneyland ku nu kungsi ngadatangan dua tempat eta, cenah mah arsitektur, skala, jejer jeung atmosfir umumna kacida saruana[2]
Everland kabagi jadi 6 zona; Global Fair, Zoo-Topia, European Adventure, Magic Land jeung American Adventure. Taman cai Caribbean Bay mah merlukeun tiket tambahan, sarta henteu buka sapanjang taun alatan kondisi cuaca.
Global Fair utamana mah mangrupakeun tempat keur dahareun, supenir jeung gambar nu perenahna di jalan asup jeung kaluar. Di dieu loba toko jeung restoran slian ti jasa husus saperti panyewaan kareta jeung loker.
Zoo-Topia nyaeta bagean nu jejerna sasatoan. Aya petting-zoo, pony rides, jeung pintonan sato. Aya oge kebon sato leutik nu eusina biruang kutub, singa laut, pinguin, biruang, maung jeung primata. Beus safari sadia pikeun nguriling nempoan sasatoan dina habitat aslina. Nu daratang dikandangan dina beus. Amazon express mangrupakeun perjalanan cai, nu daratang bisa baraseuh. Petting zoo mintonkeun sasatoan siga embé jeung domba keur ingon-ingon. Ieu mangrupakeun atraksi keur barudak.
European Adventure boga loba réstoran dina rupa-rupa gaya Éropah. Aya loba arsitektur nu sababaraha di antarana mangrupakeun rarancang Walanda jeung Romawi. Aya taman kekembangan nu diideran ku karéta, game jeung arcade. Atraksi favorit di dieu nyaeta Mystery Mansion tempatna nu daratang bisa nembakan jujurigan. Dina bulan Maret 2008, hiji kaulinan anyar nu ngaranna "T Express" ditambahkeun. Ieu mangrupakeun rollercoaster munggaran di Koréa nu sakabéhna dijieun tina kayu.
Magic land mangrupakeun jejeran wangunan jeung kandaraan. Aya Aesop's Village numana karakter jeung jejerna dicokot tina fabel Aesop. Kareta gantung bisa dipake keur ningali sakuliah taman. Aya log ride, futuristic flying ride, robot ride. Aya oge restoran jeung arcade.
Jejer tina sajarah Amerika aya di dieu, diantarana west ride, kaasup tutumpakan "Eagle's Fortress", jeung rodeo. Di Rocks Ville jejerna nyaeta jaman 1950-an jeung musikna. Double Rock Spin mangrupakeun atraksi utama minangka pintonan band live di deukeuteun Rolling X-Train, roller coaster.
Loba pintonan My Love Patzzi dipilemkeun di Everland.
Everland Speedway nyaeta track racing munggaran di Korea Kidul. Speedway ieu sadia keur event balap dina sababaraha rupa skala kagedeannana. Mere kasempetan keur ngalaman jeung ngarasakeun nyupiran mobil balap keur jalma biasa nu henteu miboga pangalaman balap.
